पंतप्रधान किसान सन्मान निधी योजनेच्या माध्यमातून केंद्र सरकार देशातील कोट्यवधी शेतकऱ्यांना आर्थिक आधार देत आहे. आतापर्यंत शेतकऱ्यांच्या खात्यात २१ हप्ते यशस्वीरित्या जमा झाले असून, आता सर्वांचे लक्ष २२ व्या हप्त्याकडे लागले आहे. मात्र, यावेळी हप्ता मिळवण्यासाठी सरकारने एक अत्यंत महत्त्वाची अट लागू केली आहे. जर तुम्ही ही अट पूर्ण केली नाही, तर तुमचे २,००० रुपये रखडू शकतात.
केंद्र सरकारने २२ व्या हप्त्याबाबत अद्याप कोणतीही अधिकृत घोषणा केलेली नाही. मात्र, या योजनेच्या नियमानुसार दर चार महिन्यांनी हप्ता दिला जातो. त्या अंदाजानुसार, २२ व्या हप्त्याची रक्कम फेब्रुवारी २०२६ च्या पहिल्या किंवा दुसऱ्या आठवड्यात शेतकऱ्यांच्या बँक खात्यात जमा होण्याची दाट शक्यता आहे. साधारणपणे फेब्रुवारी महिना संपण्यापूर्वी पात्र शेतकऱ्यांना हा निधी प्राप्त होईल.
यावेळी केवळ ई-केवायसी (e-KYC) पूर्ण असून चालणार नाही. सरकारने आता ‘फार्मर आयडी’ (Farmer ID) म्हणजेच ‘युनिक शेतकरी ओळख क्रमांक’ अनिवार्य केला आहे.
राज्यातील महिला आणि शेतकऱ्यांसाठी आणखी एक आनंदाची बातमी आहे. मुख्यमंत्री माझी लाडकी बहीण योजनेच्या अंतर्गत पात्र महिलांना दोन ते तीन महिन्यांचे रखडलेले पैसे एकत्रितपणे (३,००० ते ४,५०० रुपये) मिळण्यास सुरुवात झाली आहे. ज्या महिलांचे केवायसी पूर्ण झाले आहे, त्यांनी नवीन यादीत आपले नाव तपासावे. तसेच, नमो शेतकरी महासन्मान निधी योजनेचा ८ वा हप्ता देखील याच काळात शेतकऱ्यांच्या खात्यात जमा केला जाणार आहे.
जर तुमचा फार्मर आयडी तयार असेल, तरीही खालील गोष्टी पूर्ण नसतील तर पैसे मिळणार नाहीत:
२२ व्या हप्त्याच्या यादीत तुमचे नाव आहे की नाही हे पाहण्यासाठी खालील कृती करा:
- पीएम किसानच्या अधिकृत वेबसाईटवर (pmkisan.gov.in) जा.
- ‘Beneficiary List’ या पर्यायावर क्लिक करा.
- तुमचे राज्य, जिल्हा, तालुका आणि गाव निवडा.
- ‘Get Report’ वर क्लिक करा, तुमच्या समोर संपूर्ण गावची यादी येईल, त्यात तुमचे नाव तपासा.
