Namo Shetkari Yojana Installment Date : महाराष्ट्र राज्यातील लाखो शेतकरी बांधवांसाठी एक अत्यंत महत्त्वाची आणि आनंदाची बातमी समोर आली आहे. राज्य सरकारच्या ‘नमो शेतकरी महासन्मान निधी’ योजनेच्या ८ व्या हप्त्याची प्रतीक्षा आता संपली असून, लवकरच पात्र शेतकऱ्यांच्या बँक खात्यात ₹२,००० जमा होणार आहेत. रब्बी हंगामातील कामांसाठी हा निधी शेतकऱ्यांना मोठा आधार ठरेल.
राज्याच्या कृषी विभागाने ८ व्या हप्त्याच्या वितरणासाठी अर्थ विभागाकडे निधीची मागणी केली होती. विशेष म्हणजे, डिसेंबरमध्ये झालेल्या हिवाळी अधिवेशनात सरकारने या योजनेसाठी आवश्यक पुरवणी मागण्या मंजूर केल्या आहेत. याचाच अर्थ सरकारकडे निधी उपलब्ध असून, आता केवळ वितरणाची तांत्रिक प्रक्रिया बाकी आहे.
अनेक शेतकरी बांधवांमध्ये अशी चर्चा होती की, यावेळेस ‘पी एम किसान’ आणि ‘नमो शेतकरी’ असे दोन्ही हप्ते मिळून ₹४,००० एकत्र मिळतील. मात्र, ताज्या माहितीनुसार कृषी विभागाने सध्या केवळ नमो शेतकरी योजनेच्या ₹२,००० च्या निधीचीच मागणी केली आहे. त्यामुळे या टप्प्यात शेतकऱ्यांच्या खात्यात प्रत्येकी ₹२,००० जमा होणार हे आता स्पष्ट झाले आहे.
शेतकरी मित्रांनो, सरकारने आता एक नवीन आणि कडक नियम लागू केला आहे. ज्या शेतकऱ्यांनी ‘ॲग्री स्टॅक’ (Agri Stack) प्रणाली अंतर्गत आपली नोंदणी पूर्ण करून ‘फार्मर आयडी’ (Farmer ID) मिळवला आहे, केवळ त्यांनाच ८ व्या हप्त्याचा लाभ दिला जाणार आहे.
दुसरीकडे, ‘मुख्यमंत्री माझी लाडकी बहीण’ योजनेच्या अंतर्गत पात्र महिलांना फेब्रुवारी महिन्याचे हप्ते मिळण्यास सुरुवात झाली आहे. अनेक भगिनींच्या खात्यात मागील प्रलंबित हप्त्यांसह एकत्रित ३,००० ते ४,५०० रुपये जमा होत आहेत. ज्या महिलांनी ई-केवायसी (e-KYC) पूर्ण केले आहे, त्यांनी नवीन लाभार्थी यादीत आपले नाव त्वरित तपासावे.
तुमचे नाव पात्र यादीत आहे की नाही, हे पाहण्यासाठी तुम्ही नमो शेतकरी योजनेच्या अधिकधिक वेबसाईटवर जाऊन तुमचा मोबाईल नंबर किंवा आधार नंबर टाकून स्टेटस चेक करू शकता. जर तुमच्या स्टेटसमध्ये ‘Agri Stack Verified’ दिसत असेल, तर तुम्हाला पैसे मिळण्यात कोणतीही अडचण येणार नाही.
नमो शेतकरी योजनेचा ८ वा हप्ता फेब्रुवारी २०२६ च्या दुसऱ्या पंधरवड्यात जमा होण्याची दाट शक्यता आहे. मात्र, त्यापूर्वी तुमची ई-केवायसी आणि फार्मर आयडी नोंदणी पूर्ण असल्याची खात्री करा, जेणेकरून तुमचा हप्ता तांत्रिक कारणास्तव अडकणार नाही.
